सतीश प्रधान स्मृतीसोहळा “अक्षतांजली” येत्या २८ नोव्हेंबरपासून

ठाणे : शिक्षण, नगरविकास, क्रीडा व संस्कृती या क्षेत्रात दूरदृष्टी ठेवून ठाण्यात विकासाचे नवे मापदंड निर्माण करणारे ठाण्याचे शिल्पकार दिवंगत सतीश प्रधान यांच्या प्रथम पुण्यस्मरणानिमित्त “अक्षतांजली” स्मृतीसोहळ्याचे आयोजन करण्यात आले आहे.

२८ नोव्हेंबर ते २९ डिसेंबर २०२५ या महिनाभर चालणाऱ्या कार्यक्रमांची माहिती कमलेश प्रधान यांनी आयोजित पत्रकार परिषदेत दिली. सह सचिव मानसी प्रधान, प्राचार्य डॉ. गणेश भगुरे व प्रा. संज्योत देऊसकर आदी मान्यवर यावेळी उपस्थित होते.स्मृतीसोहळ्याचा शुभारंभ २८ नोव्हेंबर रोजी सकाळी ९.३० ते दुपारी १.०० या वेळेत राम गणेश गडकरी रंगायतन येथे होणार आहे. या कार्यक्रमास उपमुख्यमंत्री एकनाथ शिंदे प्रमुख अतिथी म्हणून उपस्थित राहणार आहेत. तसेच परिवहन मंत्री प्रताप सरनाईक, खा. नारायण राणे, भाजपा प्रदेशाध्यक्ष रवींद्र चव्हाण, खा. नरेश म्हस्के, आ. संजय केळकर, आ. निरंजन डावखरे, जिल्हाधिकारी श्रीकृष्ण पांचाळ आणि महापालिका आयुक्त सौरभ राव यांची मान्यवर उपस्थिती अपेक्षित आहे. या कार्यक्रमात गीतकार प्रवीण दवणे यांच्या शब्दांतून ठाण्याच्या अस्मितेला साद घालणाऱ्या “ठाणे अभिमान गीत” या गीताचे लोकार्पण होणार आहे. वैशाली सामंत आणि श्रीरंग भावे यांनी आपल्या गोड आवाजात हे गीत गायले असून स्वरूप होनप यांनी संगीतबद्ध केले आहे.
—
“अक्षतांजली” अंतर्गत कार्यक्रमांची रूपरेषा

१) ऊर्जासेतू – इकोफ्रेंडली वस्तू आणि सामाजिक उपक्रम प्रदर्शन
१३ डिसेंबर | ९.३० – ५.०० | ज्ञानसाधना महाविद्यालय

२) चित्रकला स्पर्धा – आंतरशालेय व आंतरमहाविद्यालयीन (कनिष्ठ)
१६ डिसेंबर | १०.३० – १२.३० | ज्ञानसाधना महाविद्यालय

३) सतीश प्रधान ठाणे दौड – शहरस्तरीय रनिंग इव्हेंट
१७ डिसेंबर | ९.३० – ५.०० | ज्ञानसाधना महाविद्यालय

४) पुस्तक प्रदर्शन – “यांनी घडविले ठाणे”
१८–२० डिसेंबर | १०.०० – ५.०० | राम देवळे मध्यवर्ती ग्रंथालय

५) एकदिवसीय परिषद – “ठाणे व्हिजन २०४७: काल, आज आणि उद्या”
१८ डिसेंबर | ९.३० – २.०० | ज्ञानसाधना महाविद्यालय

६) पोस्टर स्पर्धा – आंतरमहाविद्यालयीन (वरिष्ठ)
१९ डिसेंबर | १०.३० – १२.३० | ज्ञानसाधना महाविद्यालय

७) निबंध स्पर्धा
१९ डिसेंबर | १२.०० – १.३० | ज्ञानसाधना महाविद्यालय

८) कबड्डी स्पर्धा
२० डिसेंबर | सकाळी ८.०० | श्री मावळी मंडळ, ठाणे

९) राज्यस्तरीय रोजगार मेळावा
२० डिसेंबर | ८.०० – ४.०० | ज्ञानसाधना महाविद्यालय

१०) रक्तदान शिबीर
२३ डिसेंबर | १०.०० – ५.०० | ठाणे रेल्वे स्थानक

११) “अक्षतांजली” — स्मृतीसोहळा समारोप
२९ डिसेंबर | ५.०० – ८.०० | ज्ञानसाधना महाविद्यालय

या महिनाभर चालणाऱ्या स्मृतीउत्सवाद्वारे ठाण्याच्या प्रगतीचा पाया रचणाऱ्या सतीश प्रधान यांच्या विचारांची, योगदानाची आणि ठाणेकरांवरील प्रेमाची ओळख पुढील पिढीपर्यंत पोहोचविण्याचा हेतू आयोजकांनी व्यक्त केला.